एजेन्सी– भारतको नयाँ दिल्लीमा विधानसभा निर्वाचनका कारण पार्टीहरुबीच एक अर्कालाई आरोप–प्रत्यारोप लगाउने काम चलिरहेको छ । उनीहरु एकअर्कासँग निकै आक्रामक देखिएका छन् । विशेषगरि आम आदमी पार्टी र भारतीय जनता पार्टीका नेताहरुले एकअर्कालाई निकै बढी घोचपेच गरेका छन् । 

यहीबीच दिल्लीका मुख्यमन्त्री अरविन्द केउजरीवाललाई भाजपाका सांसद प्रवेश वर्माले आतंकवादी बताएका थिए । केन्द्रीय मन्त्री प्रकाश जावडेकरले पनि केजरीवाललाई आतंकीको नै संज्ञा दिए ।

अब यस विषयमा केजरीवालले होइन, उनकी छोरीले जवाफ दिन थालेकी छिन् । बुधबार हर्षिताले बाबुले आफूहरुलाई गीता पढाएको तर आलोचकले अनर्थ लाग्ने गरि गाली गरेको आरोप लगाइन् । उनले भनिन्, ‘उहाँले हामीलाई गीता पढाउनु भयो, के यो आतंकवाद हो ?’