काठमाडौं– नेपाल सरकारका पूर्वसचिव अर्जुन कार्कीको घरमा काम गर्दै आएका कामदार मृत अवस्थामा भेटिएका छन् । उनकी पत्नी मुन कार्कीमाथि पनि हत्या प्रयास भएको थियो । उनी चिन्ताजनक अवस्थामा घरमा भेटिएकी थिइन् । प्रहरीका अनुसार अहिले उनलाई उपचारका लागि अस्पताल लगिएको छ । 

दाङका विजय चौधरीले कार्कीको घरमा काम गर्दै आएका थिए । 

घटना कसले गराएको हो वा किन कार्कीकी श्रीमती र कामदारमाथि आक्रमण भएको हो भन्ने खुलेको छैन । प्रहरीले यसबारे अनुसन्धान सुरु गरेको जनाएको छ ।

घटनास्थलमा प्रहरी र स्थानीयको भीड बढेको छ । प्रहरीले यसबारे केही समयपछि जानकारी दिने जनाएको छ ।