Thu, 27 Feb, 2020


पूर्वप्रधानमन्त्रीद्वय नेपाल र भट्टराईलाई भ्रष्टाचार मुद्दा चलाउन माग गर्दै सर्वोच्चमा रिट
फरकधार / माघ २९, २०७६

काठमाडौं– पूर्वप्रधानमन्त्रीद्वय माधवकुमार नेपाल र बाबुराम भट्टराईलाई भ्रष्टाचार मुद्दा चलाउने आदेश माग्दै बुधबार सर्वोच्च अदालतमा रिट परेको छ । 



बालुवाटारस्थित ललिता निवासको सरकारी जग्गा व्यक्तिका नाममा पुर्‍याउने निर्णय गरेकोले उनीहरुमाथि कारबाही हुनुपर्ने माग रिटमा छ । 

वरिष्ठ अधिवक्ता बालकृष्ण न्यौपानेले दुवै पूर्वप्रधानमन्त्रीलाई मुद्दा चलाउने आदेश दिन माग गर्दै सर्वोच्चमा रिट हालेका हुन् । सर्वोच्चले उक्त रिटको पेसी शुक्रबारका लागि तोकेको छ ।

अख्तियार दुरुपयोग अनुसन्धान आयोगले दुवैलाई मुद्दा नचलाउने निर्णय गरेको थियो । नीतिगत निर्णय गरेकाले पूर्वप्रधानमन्त्रीद्वय नेपाल र  भट्टराईलाई मुद्दा चलाउन नसकेको अख्तियारको तर्क छ ।

सरकार प्रमुखले गरेका नीति निर्णयमा आफूले मुद्दा चलाउन सक्ने अधिकार नभएको अख्तियारको अभियोगपत्रमा उल्लेख छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्