एजेन्सी– भारतीय चर्चित रियालिटी सो बिग बोस सकिएको छ । तर, यसले निम्त्याएको चर्चा अझै चलिरहेको छ । किनकि बिग बोसको १३ औं सिजनका विजेता सिद्धार्थ बिग बोस जित्ने पहिले नै तय भएको चर्चा चलिरहेको छ । 

फाइनलपछि फरिहा नामकी एक युवतीले ट्विट गरेकी थिइन् । यसलाई ट्विटरमा धेरैले नोटिस गरेका थिए । उनले सिद्धार्थलाई बिग बोस विजेता बनाउने पहिले नै तय भएको र आफूले यही कारणले कलर्स टिभी छोडेको समेत बताइन् । उनले आफू कलर्स टिभीमा प्रोड्युसरका रुपमा रहेको पनि बताएकी छिन् ।

यो विषयले धेरै चर्चा पाएपछि कलर्स टिभीले यी युवती आफूहरुसँग कुनै संलग्नता नरहेको र बिग बोसको विजेता पहिले तय नभएको जानकारी दिएको छ ।