काठमाडौं– सत्तारुढ नेपाल कम्युनिस्ट पार्टी (नेकपा)ले अमेरिकी सहयोग परियोजना मिलेनियम च्यालेञ्ज कर्पोरेसन (एमसिसी)बारे अध्ययन गर्न बनाएको कार्यदलले प्रतिवेदन तयार गरेको छ ।
वरिष्ठ नेता झलनाथ खनालको संयोजकत्वमा भीम रावल र प्रदीप ज्ञवालीसहितको तीन सदस्यीय समितिले तयार भएको प्रतिवेदन अध्यक्षद्वयलाई बुझाउने भएको छ । शुक्रबार बसेको कार्यदलको बैठकले सुझाबसहित तयार पारेको प्रतिवेदन पार्टी अध्यक्षद्वयलाई बुझाउने निर्णय गरेको हो ।
कार्यदल सदस्य भीम रावलका अनुसार सरकार र एमसिसीबीच भएको सम्झौता र इण्डो प्यासिफिकका सम्बन्धमा आवश्यक तथ्यहरुको विस्तृत अध्ययन गरेर प्रतिवेदन तयार पारिएको छ ।
सम्भवतः शुक्रबारै प्रतिवेदन बुझाइने जानकारी दिँदै उनले यसबारे गर्नुपर्ने निर्णय, कसरी अगाडि बढ्नुपर्छ भन्ने विषयमा पार्टी नेतृत्वले विस्तृत छलफल गरेर अघि बढ्ने बताए ।
प्रतिवेदन बुझाइनसकेकाले अहिलेलाई त्यसमा के–के कुरा समेटिएको छ भन्नेबारे खुलाउन नमिल्ने उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।