एजेन्सी— अमेरिकी राष्ट्रपति डोनाल्ड ट्रम्पले पत्नी मेलानिया ट्रम्पसँग भारतमा रहेको ताजमहलमा केही समय बिताएका छन् । 

तर, धेरैलाई थाहा नभएको हुनसक्छ, ट्रम्पसँग आफ्नै ताजमहल थियो । 

उनले ३० वर्ष पहिले १९९० मा न्युजर्सीमा ताजमहल नामको एउटा होटल बनाएका थिए । र, यही होटलमा उनले विश्वको सबैभन्दा ठूलो क्यासिनो पनि सुरु गरेका थिए । तर, आर्थिक संकटका कारण उनले ताजमहल बेच्नु परेको थियो ।

त्यति बेला उनले यो होटल बनाउनका लागि ७१.९८ हजार करोड खर्च गरेका थिए । तर, यो होटल घाटामा जान थाले पनि सन् २०१६ मा बेचिएको थियो ।

ट्रम्पले आफ्नो ताजमहल होटललाई विश्वको आठौं आश्चर्यका रुपमा परिभाषित गर्दै आएका थिए ।