काठमाडौं– पूर्वराजा ज्ञानेन्द्र शाह भारतको भ्रमणपछि नेपाल फर्किएका छन् । 

अहिले विश्वभर फैलिएको कोरोना भाइरस संक्रमणका कारण नेपालले पनि त्रिभुवन विमानस्थलमा सबै यात्रुको स्वास्थ्य परीक्षण गर्न थालेको छ । आइतबारमात्र स्वास्थ्य मन्त्रालयले विदेश जाने र आउने दुवै यात्रुको अनिवार्य रुपमा स्वास्थ्य परीक्षण गरिनु पर्ने निर्णय गरेको छ ।

यही क्रममा भारतको भ्रमण सकेर नेपाल फर्किएका ज्ञानेन्द्र शाहमाथि पनि कोरोना भाइरस परीक्षण गरिएको हो ।

उनी विमानस्थलमा हिँड्दै आउँदा स्वास्थ्य परीक्षणमा बसेका कर्मचारीले भन्छन्– सरकार, स्वास्थ्य परीक्षण गरौँ । ज्ञानेन्द्र शाह मुसुक्क हाँस्छन् अनि परीक्षणका लागि तयार हुन्छन् । 

उनको सँगसँगै पूर्वरानी कोमल शाह र उनीहरुसँगै यात्रा गरेका अन्य यात्रुको पनि स्वास्थ्य जाँच गरिएको छ । यो जाँचमा उनको स्वास्थ्य सामान्य देखिएको छ ।