एजेन्सी– सुडानका प्रधानमन्त्री अब्दाल्ला हामदोक एक हत्या प्रयासबाट बचेका छन् । उनलाई सुडानको राजधानी खार्टोओममा हत्या गर्ने प्रयास गरिएको त्यहाँका सन्चारमाध्यमले जनाएका छन् । 

उनी सवार रहेको कारगेडलाई लक्षित गरि विस्फोट गराइएको थियो । त्यसपछि उनलाई सुरक्षित ठाउँमा सारिएको छ । 

उनको सचिवालयले अहिले उनी सुरक्षित स्थानमा भएको जनाएको छ । 

‘उनी अफिस जाँदा उनीमाथि आक्रमण प्रयास भएको हो,’ त्यहाँका मिडियाले लेखेका छन् । यसको जिम्मेवारी अहिलेसम्म कसैले लिएको छैन ।