बेलायत– बेलायतमा केही दिनअघि मृत्यु भएका एक नेपालीको निधन कोरोना भाइरसका कारण भएको हुनसक्ने आशंका गरिएको छ । उनी भूतपूर्व गोर्खा थिए । 

लन्डनको साउथह्यारो भन्ने ठाउँमा बस्ने ६५ वर्षका पूर्व गोर्खा लिलाबहादुर राईको गत मंगलबार निधन भएको थियो ।

उनलाई कोरोना संक्रमण भएको हुनसक्ने आशंका गरिएको छ । तर, अस्पातालले उनको रिपोर्ट आइनसकेको बताएको छ । त्यहाँको सरकारले चाहिँ उनको परिवारलाई सेल्फ आइसोलेसनमा बस्न अनुरोध गरेको छ ।

उनको परिवारले राई केही समययता निमोनियाबाट ग्रस्त भएको जानकारी दिएका छन् । उनको नेपालमा घर संखुवासभामा हो ।