Tue, 07 Apr, 2020


लमजुङका सरकारी कार्यालय जानेले हात धुनै पर्ने
फरकधार / चैत ९, २०७६

लमजुङ– लमजुङका सरकारी कार्यालयमा सेवाग्राहीलाई कार्यालयभित्र प्रवेश गर्दा हात धोएर मात्र प्रवेश गराउने व्यवस्था गरिएको छ ।



कोरोना भाइरसको संक्रमणबाट बच्न र जनतामा सचेतना ल्याउन सरकारी कार्यालयहरूले हात धुने व्यवस्था गराएका हुन् । यस्तो व्यवस्था जिल्ला प्रशासन कार्यालय लमजुङ र नेपाल विद्युत प्राधिकरण वितरण केन्द्र लमजुङले सुरु गरेको हो ।

प्रशासनले बिहीबारबाट हात धुने व्यवस्था सुरु गरेपछि जिल्लाका विभिन्न सरकारी कार्यालयले समेत यस्तो व्यवस्था सुरु गरिसकेका छन् । कार्यालय अगाडि राखिएको साबुन र पानीले हात धोएर मात्र सेवाग्राही कार्यालय प्रवेश गर्न पाउँछन् ।

कर्मचारीसमेत साबुनपानीले हात धोएर मात्र आफ्नो काममा खटिने गरेको लमजुङका प्रमुख जिल्ला अधिकारी लक्ष्मणबहादुर खड्काले बताए । प्रशासनले चलाएको यो हात धुने कार्यक्रमको सेवाग्राहीले प्रशंसा गरेका छन् ।


यो सामाग्री सेयर गर्नुहोस्


यो पनि नछुटाउनुहोस्