एजेन्सी– दक्षिण कोरियामा कोभिड १९ को महमारी फैलिएपछि भएका संक्रमणमा अब विस्तारै कम हुन थालेको छ । दक्षिण कोरियामा चार साताअघिदेखि त्यहाँ संक्रमितको संख्या निकै तीव्र गतिमा बढिरहेको जनाएको थियो । 

अब विस्तारै त्यहाँ संक्रमितको संख्या घट्दो छ ।

पछिल्ला २४ घन्टामा त्यहाँ जम्मा ६४ नयाँ मानिसमा संक्रमण देखिएको छ । योसँगै त्यहाँ कोरोना संक्रमित ८ हजार ९ सय ६१ पुगेका छन् । दक्षिण कोरियामा अहिलेसम्म १११ जनाको मृत्यु कोभिड १९ का कारण भएको छ  

देशमा कोरोना संक्रमित घट्न थाले पनि स्वास्थ्य अधिकारीहरुले अझै ढुक्क हुने समय नभएको बताएका छन् । 

दक्षिण कोरियाले यो भाइरसलाई आफ्नो काबुमा राख्न सक्नुको एउटै कारण चाहिँ त्यहाँ प्रत्येक दिन २० हजारभन्दा बढी मानिसको संक्रमण परीक्षण गर्ने गरिएको थियो ।