Sun, 12 Jul, 2020


मंगलबार विहान ६ बजेदेखि नेपाल पूर्णरुपमा लकडाउन, घरबाहिर निस्किन नपाइने, सवारी नचल्ने
फरकधार / चैत १०, २०७६
आइतबार साँझ बसेकाे मन्त्रिपरिषद् बैठक ।

काठमाडौं– सरकारले मंगलबारबाट सर्वसाधरण घरबाहिर निस्किन नदिने निर्णय गरेको छ । अर्थात्, मंगलबारबाट नेपाल पूर्णरुपमा लकडाउनमा गएको छ । 



कोरोना भाइरसको संक्रमणलाई रोक्न सरकारले यो निर्णय गरेको हो । 

मंगलबारबाट काठमाडौं उपत्यकासहित बाहिर पनि कुनै सवारी साधन चल्न पाउने छैनन् । पूर्ण रुपमा लकडाउन गर्दा अत्यावश्यक सवारी साधन बाहेक अरु केही चलाउन पाइने छैन । 

सोमबार फ्रान्सबाट नेपाल आएकी एक १९ वर्षीया युवतीलाई कोरोना भाइरस संक्रमण भेटिएपछि नेपाल सरकारले यो निर्णय गरेको हो । ती युवती फ्रान्सबाट कतार एयरवेजमा नेपाल आएकी थिइन् । उनको अहिले टेकुस्थित अस्पतालमा उपचार भइरहेको छ । 

सरकारले उनीसँगै त्यो विमानमा आएका अन्य नेपालीको पनि खोजी गरिरहेको छ ।

कोरोनासम्बन्धी उच्चस्तरीय समितिको सोमबार बसेको बैठकले मंगलबार विहान ६ बजेबाट नै एक सातासम्म सर्वसाधरणलाई बाहिर निस्किन रोक लगाएको हो । सरकारले मंगलबारबाट नै आन्तरिक उडान पनि बन्द गर्ने निर्णय गरेकाे छ ।

खाद्यान्न तथा अत्यावश्यक वस्तु ढुवानी गर्ने सवारी साधनबाहेक अरु निजी कुनै पनि सवारी साधन चलाउने पाइने छैन । 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्