ब्राजिलका राष्ट्रपति जैर बोल्सोनारोले कोरोना भाइरसबारे गलत भ्रम फैलाएर जनतालाई उस्काएर आफूलाई हटाउन खोजेको भन्दै मिडियामाथि कडा प्रश्न उठाएका छन् । 

विश्वभर १५ हजारभन्दा बढी ज्यान लिएको कोरोना भाइरसबारे मिडियाले फैलाएको डरमात्र भएको बाल्सोनारोले बताएका छन् ।

एक टिभी अन्तर्वार्तामा बोल्सोनारोले यो महामारी भयो भन्दैमा ब्राजिलका विभिन्न सहरका मेयरले जनतालाई घरभित्र रहन दिएको निर्देशन पनि आफूविरुद्धको षडयन्त्र भएको बताएका छन् ।

‘जनताले यो थाहा पाउनेछन्, उनीहरुलाई भ्रममा राखिएको हो,’ द गार्जियनले तयार पारेको यो समाचारमा बोल्सोनारोलाई उद्धृत गरिएको छ । 

त्यसो त ब्राजिलमा पनि २५ जनाको कोरोना भाइरसका कारण निधन भइसकेका छ भने त्यहाँ १५४६ जनाभन्दा बढी कोरोना भाइरस संक्रमित भेटिएका छन् ।