Fri, 03 Apr, 2020


भरतपुरको कोरोना विशेष अस्पतालमा उपचाररत ३० वर्षीय युवकको मृत्यु, कोरोना संक्रमण भए-नभएको रिपोर्ट आउन बाँकी
फरकधार / चैत ११, २०७६

चितवन– भरतपुरस्थित कोरोना विशेष अस्पतालमा उपचाररत एक युवकको मंगलबार मृत्यु भएको छ । अस्पतालका उच्च अधिकारीका अनुसार उनको आज  बिहान ७ बजे उपचारका क्रममा मृत्यु भएको हो । 



उनलाई कोरोना भएको आशंकामा आइसोलेसनमा राखिएको थियो, तर कोरोना संक्रमण भएन–भएकोबारे रिपोर्ट आउन बाँकी छ ।

चितवन मेडिकल कलेजबाट रिफर गरेर केही दिनअघि कोरोना विशेष अस्पतालमा पठाइएका ती व्यक्ति उच्च ज्वरो र रुघाखोकीले ग्रसित रहेको बताइएको छ । मृतक  वीरगन्जका ३० वर्षीय युवक हुन् । अहिले उनको शव अस्पतालमै राखिएको छ । 

सोमबार नै संकलन गरिएको उनको स्वाबको नमुना मंगलबार बिहान विमानबाट मात्र पठाइएको अस्पताल स्रोतले जनाएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्