Mon, 25 May, 2020


‘न्यूयोर्कमा कोरोना बुलेट ट्रेनभन्दा छिटो फैलिइरहेछ’
फरकधार / चैत १४, २०७६

एजेन्सी– गत डिसेम्बरमा चीनको वुहानमा देखिएको कोरोना भाइरसका कारण अहिले विश्व ठूलो संकटमा परेको छ । अब विस्तारै चीनमा जनजीवन सामान्यतर्फ फर्किरहँदा कोरोनाका कारण युरोप र अमेरिका निकै ग्रस्त बनेका छन् । 



अमेरिकी सहर न्यूयोर्कका गर्भनर एन्ड्र्यु क्वोमोले अब न्यूयोर्कका लागि स्वास्थ्य सामाग्री उपलब्ध गराउन अनुरोध गरेका छन् । न्यूयोर्कमा कोरोना निकै छिटो फैलिइरहेको भन्दै उनले यस्तो अनुरो गरेका हुन् । 

‘न्यूयोर्कमा कोरोना बुलेट ट्रेनभन्दा छिटो फैलिइरहेको छ,’ उनले भनेका छन्, ‘यो हामीले सोचेभन्दा छिटो भइरहेको छ र हामीले सोचेभन्दा धेरै भइरहेको छ ।’ मंगलबार पत्रकारहरुसँग कुरा गर्दै उनले यस्तो बताएका हुन् ।

क्वोमोले यो चुनौतिसँग लड्न आफूहरुसँग पर्याप्त स्वास्थ्य सामाग्री नभएको पनि बताएका छन् ।

न्यूयोर्कमा अहिले २५ हजार मानिसमा कोरोना संक्रमण देखिएको छ । त्यहाँ कम्तिमा पनि २१० जनाको कोरोनाका कारण निधन भएको छ ।

विश्व स्वास्थ्य संगठनले चाहिँ अब कोरोनाको इपिसेन्टर अमेरिका हुनसक्ने भन्दै चेतावनी दिएको छ ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्