एजेन्सी– अहिले विश्वका लागि कहर बनेको कोरोना भाइरस सबैभन्दा पहिले देखिएको चिनियाँ सहर वुहान अब विस्तारै खुल्न थालेको छ । गत वर्ष डिसेम्बरमा पहिलो पटक कोरोना भाइरस वुहानमा देखिएको थियो । त्यस लगत्तै यो सहरलाई जनवरी देखि आइसोलेसनमा राख्ने सरकारले निर्णय गरेको थियो ।
अहिले पनि अन्य चिनियाँ वा अरु मानिसलाई वुहानमा छिर्न दिइएको छैन । तर, वुहानबाट मानिसहरुलाई अब बाहिर निस्किन दिइएको छ ।
त्यहाँका सन्चारमाध्यमले अब रेल स्टेसनका तस्वीरहरु प्रकाशन गर्न थालेका छन् जहाँ मानिसहरुको ठूलो भीडभाड देख्न सकिन्छ ।
कतिपय ठाउँमा पसलहरु र मार्टहरु खुलेका छन् र त्यहाँ पनि मानिसहरुको भीडभाड देख्न सकिन्छ । १ करोडभन्दा धेरै मानिस बस्ने यो ठाउँमा कोरोनाका कारण ३२३९ जनाको निधन भएको थियो । ५० हजारभन्दा धेरै यो ठाउँका मानिसमा कोरोना भाइरस संक्रमण देखिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।