एजेन्सी– कोरोना भाइरस प्रकोपका कारण एक लाखदेखि २ लाख अमेरिकीसम्मको निधन हुन सक्ने सरकारी अधिकारीहरुले बताएका छन् । 

अमेरिकाका सरुवा रोग विशेषज्ञ तथा त्यहाँको राष्ट्रिय सरुवा रोग निर्देशनालयका निर्देशक डा एन्थोनी फाउसीले सिएनएनसँग कुराकानी गर्दै यो बताएका हुन् । उनले यसबाट लाखौँ अमेरिकीहरु प्रभावित हुने निष्कर्ष निकालिएको पनि खुलासा गरेका छन् ।

डा फाउसी अमेरिकी राष्ट्रपति डोनाल्ड ट्रम्पको कोरोना भाइरसविरुद्ध लड्न बनेको टास्क फोर्सका सदस्य पनि हुन् । उनले भने, ‘तर, यो लक्ष्य नै सही हुनुपर्छ भन्ने छैन, यसले त मानिसहरुलाई गलत सन्देश पनि प्रवाह गर्न सक्छ । त्यसैमा म स्टिक हुन चाहन्नँ ।’