धनकुटा — धनकुटा जिल्ला अस्पतालमा सोमबार एक बिरामीलाई आइसोलोसनमा राखिएको छ । दुई साता पहिले पोर्चुगलबाट फर्किएर आएका धनकुटा–८ का ती युवामा उच्च ज्वरो र रुघाखोकी लगायतका लक्षण देखिएपछि आइसोलेसनमा राखिएको हो ।
चिकित्सकको निगरानीमा प्रारम्भीक उपचार भइरहेको अस्पतालका मेडिकल सुपरिटेन्डेन्ट डा. पुजन विश्वकर्माले जानकारी दिए । बिरामीको जाँचका लागि वीपी कोइराला स्वास्थ्य विज्ञान प्रतिष्ठानमा रिपोर्ट पठाउन लागिएको उनले बताए ।
यसैबीच, बिरामी युवाका परिवारलाई समेत निगरानीमा राखिने तयारी गरिएको जिल्ला प्रशासन कार्यालयका सूचना अधिकारी जयराम श्रेष्ठले बताए ।
बिरामीका परिवारका अन्य सदस्य समेत अस्वस्थ्य रहेको श्रेष्ठको भनाइ छ । जिल्लामा तयार गरिएको क्वारेन्टाइनमा भने हालसम्म कुनै बिरामी राखिएको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।