सन् ८० को दशकको चर्चित गीत हो, आइ लभ रक एन्ड रोल । त्यही गीतका गायक तथा सह लेखक अलान मेरिलको कारोना भाइरसका कारण मृत्यु भएको छ । 

उनकी छोरी लौराले यसलाई पुष्टि गर्दै लेखेकी छिन् कि ६९ वर्षका यी गायक केही साताअघिसम्म पनि विभिन्न ठाउँमा कन्सर्ट गरिरहेका थिए । 

‘उनी निमोनियाका बिरामी भएका थिए,’ उनले भनेकी छिन् ।

आइ लभ रक एन्ड रोल चाहिँ विश्वप्रसिद्ध गीत भएको थियो । जेएन जेटका लागि सन् १९८२ मा हिट भएको यो गीतलाई पनि ब्रिट्नी स्पियर्सदेखि सबैले गाएका थिए । यही गीतको प्यारोडी आइ लभ ससेज रोल्स गत वर्ष क्रिसमसमा बेलायतमा निकै गाइएको थियो ।

कोरोना भाइरसका कारण मृत्यु हुने उनी पहिलो गायक चाहिँ होइनन् । यसअघि कन्ट्री सिंगर जोय डिफीको पनि कोरोनाका कारण नै मृत्य भएको थियो ।