सन् ८० को दशकको चर्चित गीत हो, आइ लभ रक एन्ड रोल । त्यही गीतका गायक तथा सह लेखक अलान मेरिलको कारोना भाइरसका कारण मृत्यु भएको छ ।
उनकी छोरी लौराले यसलाई पुष्टि गर्दै लेखेकी छिन् कि ६९ वर्षका यी गायक केही साताअघिसम्म पनि विभिन्न ठाउँमा कन्सर्ट गरिरहेका थिए ।
‘उनी निमोनियाका बिरामी भएका थिए,’ उनले भनेकी छिन् ।
आइ लभ रक एन्ड रोल चाहिँ विश्वप्रसिद्ध गीत भएको थियो । जेएन जेटका लागि सन् १९८२ मा हिट भएको यो गीतलाई पनि ब्रिट्नी स्पियर्सदेखि सबैले गाएका थिए । यही गीतको प्यारोडी आइ लभ ससेज रोल्स गत वर्ष क्रिसमसमा बेलायतमा निकै गाइएको थियो ।
कोरोना भाइरसका कारण मृत्यु हुने उनी पहिलो गायक चाहिँ होइनन् । यसअघि कन्ट्री सिंगर जोय डिफीको पनि कोरोनाका कारण नै मृत्य भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।