एजेन्सी– भारतीय पत्रिका इन्डियन एक्सप्रेसमा छापिएको एक समाचारअनुसार केरलामा कोरोना संक्रमित दुई वृद्ध ९३ वर्षका थोमस र उनकी पत्नी ८८ वर्षकी मरियम्माले अस्पतालबाट डिस्चार्ज हुन पाउने भएका छन् । उनीहरुमा कोरोना भाइरस अब नदेखिएको अस्पतालले जनाएको छ ।
दुवैजना कोरोना भाइरस संक्रमणका साथसाथै डायबिटिज र हाइपरटेन्सनका बिरामी पनि थिए । अस्पतालमा भर्ना भएपछि पनि थोमसलाई हृदयघात भएको थियो । तर, दुवैले कोरोना भाइरसमाथि जित निकालेका छन् ।
विश्व स्वास्थ्य संगठनले कोरोना भाइरस वृद्ध मानिसहरुका लागि अझ बढी खतरानक भएको बताउँदै आएको छ । तर, यसबीच केरलामा भएको यो प्रगतिले पूरै भारतको स्वास्थ्य टिमलाई खुसी बनाएको छ ।
थोमसका दुई छोरा, बुहारी तथा नातिनातिनीमा पनि कोरोना भाइरस देखिएको थियो । तर, अब सबै जना ठिक भएर अस्पतालबाट फर्किँदै छन् । थोमसका छोराको परिवार २९ फ्रेबुअरीमा इटालीबाट फर्किएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।