बलिउड अभिनेत्री सोनाक्षी सिन्हा अहिले सामाजिक सन्जालमा चर्चामा छिन् । यसको कारण हो, उनलाई भारतीय सामाजिक सन्जाल प्रयोगकर्ताले ट्रोलको शिकार बनाउनु । किनकि मानिसहरुले अहिले उनले भारतका प्रधानमन्त्री नरेन्द्र मोदीले बनाएको कोरोना कोषमा केही पनि सहयोग नगरेको आरोप लगाइरहेका छन् ।

खासमा सोनाक्षीले त्यो कोषमा सहयोग गरेकी थिइन् । तर, उनले अहिलेसम्म आफूले कति सहयोग गरेँ भन्ने खुलाएकी छैनन् । यही कुरालाई लिएर उनीमाथि अनेक ट्रोल बनेका हुन् । केही दिनअघि अमिताभ बच्चनमाथि पनि भारतीय सामाजिक सन्जाल प्रयोगकर्ताले यस्तै आरोप लगाएका थिए ।