Sat, 30 May, 2020


राष्ट्रपतिलाई नेकपा नेतृ झाँक्रीको सुझाबः विकसित मुलुकका नेपालीको भन्दा सीमामा अलपत्र नेपालीको चिन्ता गर्नुस्
फरकधार / चैत १९, २०७६

काठमाडौं– सत्तारूढ नेपाल कम्युनिस्ट पार्टी (नेकपा)की नेतृ रामकुमारी झाँक्रीले विकसित मुलुकका नेपालीको भन्दा सीमामा अलपत्र नेपालीहरूको चिन्ता गर्न राष्ट्रपति विद्या भण्डारीलाई सुझाब दिएकी छिन् । 



भारतबाट देश फर्कन चाहने नेपालीहरू अलपत्र परेकाले उनीहरुको व्यवस्थापनका लागि स्थानीय तहलाई निर्देशन दिन माग गर्दै झाँक्रीले सामाजिक सञ्जालमार्फत् आक्रोश पोखेकी हुन् । 

‘महामहिम ! अमेरिका, क्यानडा, युरोप, अस्ट्रेलिया, जापान, कोरियालगायत विकसित मुलुकका नेपालीको चिन्ता नगरी बक्सियोस्,’ प्रतिनिधिसभा सदस्यसमेत रहेकी झाँक्रीले सामाजिक सञ्जालमा लेखेकी छिन्, ‘नेपालका विभिन्‍न जिल्लामा निर्माणको काम गर्न गएका मजदुरहरू लकडाउनमा अलपत्र परेकाहरू समस्यामा छन् । व्यवस्थापनका लागि स्थानीय तहलाई निर्देशन दिने कि ?’

राष्ट्रपति भण्डारीले अमेरिकामा कोरोनाको प्रकोप बढेपछि त्यहाँ रहेको नेपालीहरूबारे चिन्ता प्रकट गरेकी थिइन् ।



फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्