काठमाडौं– कोरोना संक्रमणको जोखिम र लकडाउनपछि घरबिदामा बसेका सशस्त्र प्रहरी बल (एपिएफ)का खेलाडी बुधबारदेखि ड्युटीमा खटिन थालेका छन् ।
गृह मन्त्रालयको आदेशमा अन्तर्राष्ट्रिय खेल खेलिसकेका खेलाडी पनि ड्युटीमा फर्किएका हुन् । चैत १० देखि छुट्टीमा बसेका उनीहरु चैत १८ गते छुट्टी सकिएपछि ड्युटीमा फर्किएका हुन् ।
अहिले खेलाडीहरुलाई हेडक्वाटरमा स्ट्यान्डबाई राखिएको र एक दुई दिनपछि फिल्डमै खटाउने सम्भावना रहेको एक खेलाडीले बताए ।
कोरोना भाइरसका कारण अहिले नेपाल लगायत संसारका धेरै देश लकडाउनमा हुँदा खेल क्षेत्र ठप्प छ । कोरोना भाइरस संक्रमण रोकथाम तथा नियन्त्रणका लागि नेपालमा अहिले दोस्रो चरणको लकडाउन छ ।
नेपालमा एक हजारभन्दा बढीलाई परीक्षण गर्दा ५ जनामा कोरोना पोजेटिभ देखिएको छ । जसमा १ जना निको भएर घर फर्किसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।