भरतपुर– भरतपुर अस्पतालमा ज्वरो आएकी एक बिरामीको निधन भएको छ । उनलाई निमोनिया पनि भएको अस्पतालले जनाएको छ । अन्य लक्षणहरु कोरोना भाइरससँग मिल्ने भएकाले उनको कोरोना भाइरस संक्रमण परीक्षण हुने भएको छ । 

अस्पतालका अनुसार हेटौंडाबाट आएकी सिन्धुलीकी २६ वर्षीया यी युवतको शुक्रबार विहान ४ बजे निधन भएको हो । उनी बिहिबार राति १ बजे अस्पतालमा ल्याइएकी थिइन् ।

आइसियूमा उपचार हुँदाहुँदै उनको निधन भएको हो । 

अब उनको स्वाब परीक्षण हुने अस्पतालले जनाएको छ । बिरामी भएपछि यी युवती पहिले हेटौंडा पुगेकी थिइन् । त्यहाँबाट रिफर भएपछि उनी राति भरतपुर अस्पताल आइपुगेकी थिइन् ।