एजेन्सी– एउटा नयाँ अध्ययनले कोरोना भाइरसको महामारीलाई नियन्त्रणमा राख्नका लागि कम्तीमा पनि छ हप्ता लकडाउन गर्नुपर्ने देखाएको छ ।
शुक्रबार साउथ चाइना मर्निङ पोष्टले यसबारे समाचार प्रकाशन गरेको छ । अमेरिकाको एसएसआरएन जर्नलमा यसै साता प्रकाशित अध्ययनबारे लेख्दै साउथ चाइना मर्निङ पोष्टमा लेखिएको छ– महामारी रोक्न एकदमै कडाखालका कदम चालेका देशले तीन हप्तापछि महामारीलाई मध्यमस्तरको बनाउन सक्छन् ।
उक्त अध्ययनमा एक महिनामा संक्रमणको फैलावट रोक्न सकिने र ४५ दिनपछि मात्रै महामारीलाई आफ्नो नियन्त्रणमा राख्न सकिने उल्लेख छ ।
पूर्ण लकडाउन, घरभित्रै बस्ने आदेश, व्यापक परीक्षण र क्वारेन्टिनलगायत जति पालना गर्न सक्यो महामारी नियन्त्रण गर्ने त्यति नै कम समय लाग्ने अध्ययनको निष्कर्ष छ ।
यो अध्ययन संसारका ३६ वटा मुलुक र ५० वटा अमेरिकी राज्यका तथ्यांकहरूमा आधारित छ । अमेरिकाले समयमै यी नीति नअपनाएकाले कोरोनाको महामारी तीव्र रूपमा फैलिएको पनि अध्ययनको निष्कर्ष छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।