काठमाडौं– सरकारले सर्वत्र विरोधका बाबजुद कोरोना भाइरससम्बन्धी स्वास्थ्य सामग्री किन्ने जिम्मा नेपाली सेनालाई दिएको छ । सेनाले आइतबार यसबारे जानकारी गराएको छ । 

आफूलाई स्वास्थ्य सामग्री किन्ने जिम्मेवारी दिइएको भिडिओ कन्फरेन्समार्फत उल्लेख गर्दै सेनाले सरकारले दिएको जिम्म्मेवारी इमानदारीसाथ पूरा गर्ने बताएको छ ।

सैनिक प्रवक्ता विज्ञानदेव पाण्डेले भने, ‘रक्षा मन्त्रालयले स्वास्थ्यसँग समन्वय गरेर जिटुजीमार्फत स्वास्थ्य सामग्री ल्याउने जिम्मेवारी दिएको छ । 
हामी गुणस्तरमा सम्झौता गर्दैनौँ, विश्व स्वास्थ्य संगठनको मापदण्डअनुसार खरिद गर्छौं । 

स्वास्थयसामग्री खरिदका लागि हामी मध्यस्तकर्ताको प्रयोग नगर्ने पनि सेनाले स्पष्ट पारेको छ । यसअघि सरकारले स्वास्थ्य सामग्री किन्न ओम्नी इन्टरनेसनल कम्पनीसँग गरिएको सम्झौता रद्द गरेको थियो ।