चितवन– गैंडाको आक्रमणबाट चितवनमा एक पुरुषको मृत्यु भएको छ । सोमबार घरनजिकैको सामुदायिक वनमा निउरो टिप्न जाँदा उनलाई गैंडाले आक्रमण गरेकाे थियाे । 

मृत्यु हुनेमा भरतपुर महानगरपालिका २२, पटिहानी, बोटेटोल बस्ने ३९ वर्षका पूर्णबहादुर कुमाल रहेका छन् । कुमालको घटनास्थलमै मृत्यु भएको र हाल मुचुल्का उठाउने काम भइरहेको छ । 

अधिकांश बोटे, थारु समुदाय यो समयमा निउरो टिप्न वन जाने गर्छन् । उक्त सामुदायिक वन निकुञ्जको नजिकै पर्छ ।