काठमाडौं– पछिल्लो समय नेपालीहरु रहेका खाडी मुलुकका प्रमुखहरुसँग प्रधानमन्त्री केपी शर्मा ओलीले कुराकानी गर्न सुरु गरेका छन् । यह सन्दर्भमा उनले सोमबार साँझ अबुधावी तथा युएईका युवराज शेख मोहम्मद बिन जायद अल नाह्यानसँग कुराकानी गरेका छन् ।
कोरोनाभाइरस प्रकोप बढ्दै जाँदा प्रधानमन्त्री केपी शर्मा ओलीले नेपालीहरु काम गर्न पुगेका खाडी मुलुकका प्रमुखहरुसँग कुराकानी गर्न सुरु गरेका हुन् ।
शेखसँगको टेलिफोन संवादमा उनले नेपालीको इमान्दारी र परिश्रमी बानीको प्रशंसा गरेको ओलीले ट्विटरमा उल्लेख गरेका छन् । उनले लेखेका छन्, ‘त्यहाँ रहेका नेपालीहरुको सुरक्षाको सन्दर्भमा मैले राखेको जिज्ञासामा उहाँले भन्नुभयो– नेपालीहरु इमान्दार र परिश्रमी छन् । उनीहरुले युएईको आर्थिक विकासमा पु(याएको योगदानको प्रशंसा गर्दछु ।’
साथै शेखले नेपालीलाई युएईका नागरिकसरह नै व्यवहार र सहयोग गर्ने वचन पनि दिएको प्रधानमन्त्री ओलीले उल्लेख गरेका छन् ।
यही ट्विटलाई अंग्रेजीमा पनि लेख्दै ओलीले शेखले नेपालीले त्यहाँको आर्थिक विकासमा दिएको योगदानको कदर गरेको उल्लेख गरेका छन् ।
... ढुक्क रहनुहोस्– नेपालीलाई युएईका नागरिकसरह नै व्यवहार र सहयोग गर्छाैं ।
— K P Sharma Oli (@kpsharmaoli) April 6, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
