अमेरिकामा सिकागोकी मेयर लोरी लाइटफुटले सिकागोमा कोभिड १९ का कारण मृत्यु हुने नागरिकमा ७२ प्रतिशत अश्वेत रहेको बताएकी छिन् । 

उनले श्वेत नागरिकभन्दा अश्वेत नागरिकको निधन धेरै भएकाले यसबारे गम्भीर भएर सोच्नु पर्ने र अफ्रिकन अमेरिकनहरुका लागि नयाँ डाटा लिएर काम गर्नु पर्ने पनि बताएकी छिन् ।

त्यहाँका स्वास्थ्य अधिकारीले पनि ५२ प्रतिशत कोरोनाभाइरस संक्रमित अश्वेत नागरिक भएको स्वीकार गरेका छन् । 

लाइटफुटले चाहिँ स्वास्थ्यकर्मीहरुले अश्वेतमाथि विभेद गरेको आरोपसमेत लगाएकी छिन् ।