काठमाडौं– देश अहिले कोरोनाभाइरस महामारीबाट बच्न विभिन्न उपाय अपनाउन बाध्य भएको छ । स्वास्थ्य संस्थामा अहिले पनि मेडिकल सामाग्रीको अभाव रहेको छ । यहीबीच यसलाई फाइदाका रुपमा उठाउन खोज्नेहरुको कमी छैन ।

त्यसमा पनि केही व्यापारिक घरानका व्यक्तिहरु यो मौकालाई फाइदाका रुपमा उठाउन चलखेल गरिरहेका छन् । त्यहीमध्ये एक हो, शंकर ग्रुप । 

प्रहरीले यही ग्रुपका तथा जगदम्बा स्टिलका सन्चालक सुलभ अग्रवाललाई पक्राउ गरेपछि यो रहस्य पर्दाफास भएको हो । अग्रवाललाई प्रहरीले कालोबजारीको आरोपमा पक्राउ गरेको हो । 

महानगरी प्रहरी अपराध महाशाखाले जनाएअनुसार उनलाई आज नक्सालबाट पक्राउ गरिएको हो । अग्रवालमाथि ज्वरो नाप्ने यन्त्र थर्मल गनको कालोबजारी गरेको आरोप लगाएको छ । 

प्रहरीले उनलाई पक्राउ गर्नुका साथसाथै उनीसँगै रहेको गाडीबाट ६७ वटा थर्मल गर्न बरामद गरेको पनि जनाएको छ ।