Mon, 25 May, 2020


ट्विटरका सिइओले कोरोनाविरुद्ध लड्न दिए आफ्नो कूल सम्पत्तिको एक चौथाईं
फरकधार / चैत २५, २०७६

एजेन्सी– माइक्रोब्लगिङ साइट ट्विटरका सिइओ ज्याक डोर्सीले आफ्नो कूल सम्पत्तिको एक चौथाईंभन्दा धेरै अर्थात् २८ प्रतिशत सम्पत्ति कोरोनाभाइरसविरुद्ध लड्न दिने भएका छन् । 



बुधबार विहान ट्विट गर्दै उनले यो जानकारी दिएका हुन् । उनको कूल सम्पत्तिको २८ प्रतिशत भनेको १ बिलियन अमेरिकी डलर हुन आउँछ ।

उनले यो रकम स्टार्ट स्मल फाउन्डेसनलाई दिएका हुन् जुन कोभिड १९ विरुद्धको लडाईंमा खर्च गरिने छ । उनले आफूले दिन लागेको रकमबारे एक एक्सेल सिट बनाएर विश्वभरबाट हेर्न मिल्ने बनाएका छन् । सबै ट्रान्सफर तथा खर्च यसबाट विश्वका जो सुकैले हेर्न सक्ने उनले बताएका छन् । 

उनले आफूले सिक्न र अरुबाट सिक्न पनि यसरी पारदर्शी रुपमा आफूले योगदान गरेको बताएका छन् । अनि साथै आफूले सबैको सुझाव लिनेसमेत ट्विट गरेका छन् ।

अहिले विश्वमा आफूले गर्न सकेको सहयोग गरेको र यो नै अहिलेको आवश्यकता भएको भन्दै उनले जीवन छोटो भएको र आफूले गरेको योगदानको प्रभाव आफ्नै जीवनमा हेर्न चाहेकाले यस्तो गरेको बताएका छन् । उनले अन्तिममा भनेका छन्– जीवन अत्यन्त छोटो छ, मानिसहरुलाई सहयोग गर्न हामीले गर्न सकिने कुरा अहिले नै गरौँ । 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्