काठमाडौं– नेपाल र भारतका प्रधानमन्त्रीबीच टेलिफोनवार्ता भएको छ । वार्ताका क्रममा दुवै देशमा जारी लकडाउनका कारण एक–अर्काका देशमा रोकिएका नागरिकलाई आ–आफ्नो देशमा हेरचाह गर्ने सहमति भएको बताइएको छ ।

प्रधानमन्त्री केपी शर्मा ओलीले शुक्रबार ट्विटमार्फत सो जानकारी दिएका हुन् । भारतीय प्रधानमन्त्री नरेन्द्र मोदीसँग भएको कुराकानीको जानकारी दिँदै प्रधानमन्त्री ओलीले लेखेका छन् – आज मैले भारतका प्रधानमन्त्री श्री नेरन्द्र मोदीजीसँग टेलिफोन संवाद गरेँ । कोरोना भाइरसकाविरुद्धको सहकार्यलाई अझ सशक्त बनाउने विषयमा हामी सहमत भयौँ । लकडाउनको कारण एक–अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा जोड दियौँ ।

प्रधानमन्त्री ओलीले आपूर्ति व्यवस्थालाई निरन्तर कायम राख्न र थप सहज र सुचारु राख्न छलफल भएको र भारत सरकारले उपलब्ध गराउने औषधिलगायतको सहयोगका लागि आफूले धन्यवाद दिएको पनि ट्विटरमा उल्लेख गरेका छन् । 

आज मैले भारतका प्रधानमन्त्री श्री नेरन्द्र मोदीजीसँग @narendramodi
टेलिफोन संवाद गरें । कोरोना भाइरसका विरुद्धको सहकार्यलाई अझ सशक्त बनाउने विषयमा हामी सहमत भयौं । लकडाउनको कारण एक अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा जोड दियौं ।

— KP Sharma Oli (@PM_Nepal) April 10, 2020

आपूर्ति व्यवस्थालाई निरन्तर कायम राख्न र थप सहज र सुचारु राख्न छलफल भयो । भारत सरकारले उपलब्ध गराउने औषधि लगायतको सहयोगको लागि मैले धन्यवाद दिएँ । @PMOIndia

— KP Sharma Oli (@PM_Nepal) April 10, 2020