काठमाडौं– नेपालमा थप एकजना कोरोनाभाइरस संक्रमित भेटिएका छन् । योसँगै नेपालमा कोरोनाभाइरस संक्रमितको संख्या ३१ पुगेको छ । यीमध्ये तीन जना निको भएर घर फर्किइसकेका छन् ।
हिजो शुक्रबार गरिएको परीक्षणमा नेगेटिभ आएका एक जनामा आजको परीक्षणमा कोरोनाभाइरस संक्रमण पोजेटिभ आएको हो । उनी उदयपुरको मस्जिदमा बसेका भारतीय नागरिक हुन् ।
स्वास्थ्य तथा जनसंख्या मन्त्रालयले दिएको जानकारीअनुसार ६५ वर्षका यी पुरुष भारतबाट केही समयअघि नेपाल आएका थिए । यसअघि त्यही मस्जिदमा रहेका १२ जनामा कोरोनाभाइरस संक्रमण पुष्टि भएको थियो ।
विराटनगरको कोशी अन्चल अस्पतालमा कोरोनाभाइरस संक्रमित भेटिएका यी व्यक्तिको स्वाब परीक्षण गरिएको थियो ।
शुक्रबार भेटिएका १२ जनामध्ये एक जना नेपाली थिए । उनीहरुको अहिले उपचार जारी छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।