काठमाडौं– नेपालमा थप एकजना कोरोनाभाइरस संक्रमित भेटिएका छन् । योसँगै नेपालमा कोरोनाभाइरस संक्रमितको संख्या ३१ पुगेको छ । यीमध्ये तीन जना निको भएर घर फर्किइसकेका छन् । 

हिजो शुक्रबार गरिएको परीक्षणमा नेगेटिभ आएका एक जनामा आजको परीक्षणमा कोरोनाभाइरस संक्रमण पोजेटिभ आएको हो । उनी उदयपुरको मस्जिदमा बसेका भारतीय नागरिक हुन् ।

स्वास्थ्य तथा जनसंख्या मन्त्रालयले दिएको जानकारीअनुसार ६५ वर्षका यी पुरुष भारतबाट केही समयअघि नेपाल आएका थिए । यसअघि त्यही मस्जिदमा रहेका १२ जनामा कोरोनाभाइरस संक्रमण पुष्टि भएको थियो । 

विराटनगरको कोशी अन्चल अस्पतालमा कोरोनाभाइरस संक्रमित भेटिएका यी व्यक्तिको स्वाब परीक्षण गरिएको थियो ।

शुक्रबार भेटिएका १२ जनामध्ये एक जना नेपाली थिए । उनीहरुको अहिले उपचार जारी छ ।