एजेन्सी– पछिल्लो समय विश्वका लागि कहर बनेको कोरोनाभाइरस तुलनात्मक रुपमा न्युजिल्यान्डमा निकै कममा रोक्न सफल भएको भन्दै त्यहाँको सरकारको प्रशंसा भएको छ । 

प्रधानमन्त्री जेसिन्डा अर्डेर्नको यही कारण पनि पछिल्लो समय निकै प्रशंसा भएको छ । समयमा नै लकडाउन र अन्य उपायहरु अपनाएका कारण न्युजिल्यान्डमा अहिलेसम्म कोरोनाभाइरस संक्रमितको संख्या १४ सय ३१ मा सिमित पनि भएको छ । 

अब त्यहाँ कोरोनाभाइरसका कारण १२ जनाको मृत्यु भएको छ । त्यहाँ पछिल्लो २४ घन्टामा नौ जना कोरोनाभाइरस संक्रमित भेटिएका छन् । 

सोमबार न्युजिल्यान्डले लकडाउन अन्त्य भएको हुनसक्ने घोषणा गर्नसक्ने अनुमान गरिएको छ ।