एजेन्सी– कोरोनाभाइरस सबैभन्दा पहिले मानिसमा देखिएको चीनमा अब विस्तारै जनजीवन सामान्य हुन थालेको छ । त्यहाँ दुई महिनाभन्दा बढी समय लकडाउन गरिएको थियो ।
चिनियाँ समाचार एजेन्सी शिन्ह्वाका अनुसार बेइजिङमा अब ‘चीनको ढोका’सहित ७३ प्रमुख पर्यटन स्थलमा पर्यटकहरुलाई जान दिन थालिएको छ ।
यी सबै पर्यटनस्थल बाहिरी पर्यटकीय स्थल भएको बताइएको छ । बेइजिङ पर्यटन विभागका एक अधिकारीले त्यहाँ अब पर्यटकस्थलहरु विस्तारै खुलेको बताएका छन् ।
त्यस्तै, शंघाईमा पनि अब राति अबेरसम्म पसलहरु खुल्न थालेका छन् । मानिसहरुको भीड बढ्न थालेको त्यहाँका सन्चारमाध्यमले जनाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।