एजेन्सी– कोरोनाभाइरस सबैभन्दा पहिले मानिसमा देखिएको चीनमा अब विस्तारै जनजीवन सामान्य हुन थालेको छ । त्यहाँ दुई महिनाभन्दा बढी समय लकडाउन गरिएको थियो । 

चिनियाँ समाचार एजेन्सी शिन्ह्वाका अनुसार बेइजिङमा अब ‘चीनको ढोका’सहित ७३ प्रमुख पर्यटन स्थलमा पर्यटकहरुलाई जान दिन थालिएको छ ।

यी सबै पर्यटनस्थल बाहिरी पर्यटकीय स्थल भएको बताइएको छ । बेइजिङ पर्यटन विभागका एक अधिकारीले त्यहाँ अब पर्यटकस्थलहरु विस्तारै खुलेको बताएका छन् । 

त्यस्तै, शंघाईमा पनि अब राति अबेरसम्म पसलहरु खुल्न थालेका छन् । मानिसहरुको भीड बढ्न थालेको त्यहाँका सन्चारमाध्यमले जनाएका छन् ।