एजेन्सी– जर्मनीका सबै प्रान्तहरुले अब बाहिर निस्कन चाहने जर्मनहरुका लागि फेस मास्क अनिवार्य गर्ने निर्णय गरेका छन् । यो कोरोनाभाइरसविरुद्ध लड्न जर्मनीमा पछिल्लो पटक अगाडि ल्याइएको कदम हो ।
जर्मनीको ब्रिमेनको संसदमा पनि अब यसबारे नयाँ कानुन पारित गरिँदै छ । यसअघि अरु जर्मनीका अरु प्रान्तहरुले यो नियम अनिवार्य बनाइसकेका छन् ।
सार्वजनिक यातायातमा पनि अब जर्मनीमा मास्क लगाउन अनिवार्य गरिएको छ । त्यस्तै, बजारमा जाँदा वा सपिङ गर्न जाँदा पनि प्रत्येक व्यक्तिले मास्क लगाउनै पर्ने नियम जर्मनीले लगाएको छ ।
जर्मनीकी चान्सलर एन्जेला मर्केलले पनि गत साता मास्क लगाउन अनिवार्य भएको बताएकी थिइन् । उनले यस्तो भएको खण्डमा मात्र देशमा भएको लकडाउनलाई अलिक सहज बनाउन सकिने पनि बताएकी छिन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।