अमेरिकी उपराष्ट्रपति माइक पेन्सले अमेरिकाले अरु देशभन्दा राम्रो र छिटो कोरोनभाइरसबारे काम गरिरहेको बताएका छन् । उनले अमेरिकामा सबैभन्दा पहिले परीक्षणलाई प्राथमिकता दिएको पनि बताएका छन् । 

ह्वाइटहाउसमा दैनिक गरिने कोरोनाभाइरसबारेको बिफ्रिङमा उनले भने, ‘परीक्षण नै हाम्रो दिमागमा छ, छिटो र धेरै परीक्षण हामी गर्न चाहन्छौँ ।’

‘एक महिनअघि अमेरिकामा ८० हजार अमेरिकीको मात्र परीक्षण भएको थियो,’ उनले शुक्रबार भने, ‘तर, आज विहानको डाटा निकै धेरै छ, ५१ लाख जनाको परीक्षण हामीले गरेका छौँ ।’

तर, धेरै जना कोरोनाभाइरस संक्रमित देखिएको भन्दै मानिसहरुलाई नआत्तिन पनि उनले अनुरोध गरेका छन् । ‘हामी सही बाटोमा छौँ,’ उनले भनेका छन् ।