एजेन्सी– न्युयोर्कका गर्भनर एन्ड्र्यु क्योमोले प्राइभेट फार्मेसी तथा सामान्य औषधि पसलले पनि कोरोनाभाइरसको परीक्षण गर्न पाउने एउटा नियममा हस्ताक्षर गरेका छन् । 

क्योमोले यसका साथसाथै अब न्युयोर्कमा ५ हजार फार्मेसीहरुले पनि कोरोनाभाइरस परीक्षण गर्ने बताएका छन् । तर, यसका लागि उनीहरुले विशेष गाइडलाइन पनि ल्याएका छन् । 

न्युयोर्कमा कोरोनाभाइरसका कारण मृत्यु हुनेको संख्या बढिरहेको छ । शनिबार मात्र त्यहाँ ४ सय ३७ जनाको निधन भएको बताइएको छ । एउटा सहरमा नै यति धेरै मृत्यु न्युयोर्कमा मात्र भएको छ ।

तर, अस्पतालमा भर्ना भएका बिरामीहरुको संख्या चाहिँ घटिरहेको उनले बताएका छन् ।