एजेन्सी– सबैभन्दा पहिले कोरोनाभाइरस (कोभिड १९) देखिएको चीनमा अब जीवन सामान्य हुन थाल्दै छ । त्यहाँ सोमबारबाट केही सहरमा बालबालिकाहरु स्कुल फर्किन समेत थालेका छन् । 

सोमबार साङ्घाई र बेइजिङका केही स्कुलहरु खुलेका छन् । अब विस्तारै अरु स्कुलहरु पनि खुल्दै जाने चिनियाँ मिडियाले जनाएका छन् । 

साङ्घाइमा हाइ स्कुलमा मात्र विद्यार्थीहरुलाई पढाउन थालिएको छ । बेइजिङमा पनि हाइस्कुलमा विद्यार्थीहरु गाओकाओ परीक्षाको तयारीका लागि स्कुल जान थालेका हुन् । यो परीक्षा चीनमा अत्यन्त कडा परीक्षा मानिन्छ ।

चीनका विभिन्न ठाउँमा बन्द भएका र अनलाइन कक्षा चलाएका स्कुल तथा अन्य शिक्षण संस्था गत सातादेखि मात्र खुल्न थालेका हुन् । चीनको वुहानमा, जहाँ पहिलो पटक कोरोनाभाइरस मानिसमा देखिएको थियो, स्कुलहरु ६ मेबाट मात्र खुल्दै छन् । 

एउटा प्राइमरी स्कुलमा चाहिँ विद्यार्थीहरुले ‘एक मिटर ह्याट’ लगाएर गएको मिडियाहरुमा समाचार आएका छन् ।
 

Students at Yangzheng Primary School in Hangzhou wear DIY “one-meter hats” on the first day of the new semester. The headmaster said the initiative aims to help students get accustomed to social distancing amid the #coronavirus pandemic. (Photos courtesy of Zhejiang Daily) pic.twitter.com/PdzYLidHst

— Sixth Tone (@SixthTone) April 26, 2020