दुई दिनअघि मात्र कोरोनाभाइरसको सन्दर्भमा दक्षिण कोरियाबाट खुसीको समाचार आएको थियो– अब त्यहाँ एक जना पनि कोरोनाभाइरस संक्रमित छैनन् ।

तर, शुक्रबार फेरि त्यहाँ कोरोनाभाइरस संक्रमित भेटिएका छन् । शुक्रबार दक्षिण कोरियामा ९ जनामा कोरोनाभाइरस संक्रमण देखिएको हो ।

यीमध्ये ८ जना विदेशबाट आएको विश्वास गरिएको छ । 

बिहिबार साढे दुई महिनामा दक्षिण कोरियामा एक जनामा पनि कोरोनाभाइरस संक्रमण देखिएको थिएन । 

दक्षिण कोरियामा योसँगै अब १० हजार ७ सय ७४ जनामा कोरोनाभाइरस संक्रमण देखिएको छ । त्यहाँ कोभिड १९ का कारण २ सय ४८ जनाले ज्यान गुमाएका छन् ।