भारतमा काेराेनाभाइरस राेकथामका लागि दुई साता लकडाउन थपिएकाे छ । 

भारतकाे केन्द्रीय गृहमन्त्रालयले एक विज्ञप्ति जारी गर्दै याे जानकारी दिएकाे हाे । 

अब भारतमा नयाँ लकडाउन १७ मेसम्म हुनेछ ।

भारतले यो लकडाउनका लागि नयाँ नियम तथा मापदण्ड पनि ल्याएको छ ।

नयाँ मापदण्डअनुसार अब यो लकडाउनमा यसअघि जस्तै विमान तथा रेल यातायात हुनेछैन । त्यहाँ कुनै पनि सवारी साधन चलाउन दिइने छैन । 

तर, भारतले यसअघि नै ग्रिन जोन र रेड जोन अनि ओरेन्ज जोन भनेर केही ठाउँहरुलाई निश्चित गरेको छ । अब ग्रिन जोनमा चाहिँ आर्थिक गतिविधि हुन दिइने बताइएको छ । 

ओरेन्ज जोनमा पनि केही गतिविधिहरु हुनेछन् । कस्ता आर्थिक गतिविधि ती ठाउँमा गर्न दिने भन्ने चाहिँ त्यहाँको जिल्लाले नै तय गर्ने बताइएको छ । 

तर, रेड जोनमा कुनै पनि गतिविधि हुन पाउने छैनन् ।

ग्रिन जोनमा चाहिँ अब सार्वजनिक बसहरु पनि चल्न सक्नेछन् । तर, त्यसमा यात्रुहरु आधा बसमात्र बस्नु हुनेछ । यसको अर्थ के भने यदि कुनै पनि गाडीको क्षमता ५० जनाको हो भने त्यसमा २५ जनामात्र सवार हुन पाउनेछन् ।