अमेरिकामा कोरोना भाइरसविरुद्ध रेम्डेसिभिर औषधि प्रयोग गर्न अनुमति दिइएको छ । शुक्रबार सार्वजनिक भएको एक परीक्षणले सकारात्मक नतिजा देखाएसँगै अमेरिकामा कोरोना भाइरसविरुद्ध रेम्डेसिभिर प्रयोग गरिने भएको हो ।

कोरोना भाइरसविरुद्ध प्रयोग थालिएको यो नै पहिलो औषधि भएको छ । शनिबार अमेरिकी राष्ट्रपति डोनाल्ड ट्रम्पले ह्वाइटहाउसमा पत्रकार सम्मेलनमा रेम्डेसिभिर बिरामीका लागि प्रयोग गर्न छिट्टै अस्पालमा पुग्ने बतएका छन् ।

अमेरिकामा केही संक्रमितमा परीक्षण गरिएपछि डा. फौंसीले शुक्रबार रेम्डेसिभिरले कोरोनाबाट संक्रमितहरूको निको हुने समय घटाएको र लक्षणमा समेत कमी ल्याएकाले यो प्रभावकारी रहेको जनाएका थिए ।एक हजार ६३ जनामा रेम्डेसिभिर औषधि प्रयोग गरिएको थियो । औषधि दिइएका बिरामी निको हुन ३१ प्रतिशत कम समय लागेको थियो । उनीहरू ११ दिनमै निको भएर घर फर्किएका थिए । औषधि नदिइएकाहरू भने १५ दिनमा निको भएका थिए । त्यस्तै, रेम्डेसिभिर दिइएकामा मृत्युदर आठ प्रतिशत थियो भने नदिइएकामा ११ प्रतिशत थियो ।

केही स्वास्थ्यविद्हरूले भने परीक्षणले प्रयोगका लागि पूर्ण प्रमाण नदेखाएको टिप्पणी गरेका छन् । अमेरिकी खाद्य एवं औषधि विभागलाई आपतकालीन रूपमा जुनसुकै किसिमको औषधि पनि प्रयोग गर्न अनुमति दिन सक्ने नियमाक शक्ति रहेको छ । आपतकालीनबाहेकका अवस्थामा भने कुनै पनि नयाँ औषधिको प्रयोगका लागि पर्याप्त प्रमाण चाहिन्छ ।

इबोलाको औषधीले जगाइदिएको आशा

यो औषधीको क्लिनिकल ट्रायलमा यसको पुष्टि भएको बताइएको छ । र, यही औषधीका कारण १५ दिनमा देखिने कोभिड १९ का लक्षण ११ दिनमा नै देखिन थालेको पनि बताइएको छ । 

तर, यसबारे पूरै जानकारी आएको छैन । तैपनि अमेरिकी विशेषज्ञले भनेका छन् कि यो औषधीले कोरोनाभाइरसलाई पनि ठिक गर्न सक्ने निकै धेरै प्रमाणहरु भेटिएका छन् । 

तर, यही औषधीलाई बिरामीको लागि जादुयी पुरिया भन्न नसकिने उनीहरुले बताएका छन् । 

यो औषधीले चाहिँ मानिसहरुको जीवन बचाउन सक्ने क्षमता विकास हुने र अस्पतालमाथिको बोझ कम हुने बताइएको छ ।

यो औषधी खासमा इबोलाको उपचारका लागि विकास गरिएको थियो । यो एक एन्टीभाइरल औषधी हो । 

कुनै पनि भाइरस जब मानिसको शरीरमा प्रवेश गर्छ, उसले आफूलाई बलियो बनाउन रेप्लिकेट गर्न थाल्छ । अर्थात् भाइरसको संख्या मानिसको शरीरमा बढ्दै जान्छ । अनि यही कारण मानिसको शरीकार कोषहरुको मृत्यु हुन थाल्छे । तर, यो प्रक्रियामा यो भाइरसका लागि पनि एउटा इन्जाइमको आवश्यकता पर्छ । 

यो औषधीले यही इन्जाइमलाई खत्तम गरिदिने बताइएको छ ।

अमेरिकामा यो औषधीको ट्रायल राष्ट्रिय एलर्जी तथा संक्रामक रोक संस्थानमा भएको थियो । यो परीक्षणमा १ हजार ६३ जनाले सहभागिता जनाएका थिए । यसमा केही व्यक्तिहरुलाई यो औषधी दिइएको थियो । केहीलाई पेलेसिबो दिइयो । पेलेसिबोमा कुनै औषधीय गुण हुँदैन । यो पानी र चिनी घोलेर बनाइएको औषधिको ट्याबलेट जस्तै हुने ट्याबलेट हो । यसलाई परीक्षणहरुमा बारम्बार प्रयोग गर्ने गरिएको छ । तर, यसमा सहभागीहरुलाई आफूले के खाइरहेको छु भन्ने थाहा दिइँदैन ।

अब अमेरिकी राष्ट्रिय एलर्जी तथा संक्रामक रोग संस्थाका प्रमुख डा. एन्थनी फाउचीले भनेका छन् कि यो औषधीले कोभिड १९ का बिरामीलाई ठिक गर्न सक्ने प्रमाणहरु भेटिन थालेका छन् । 

यो औषधीले भाइरसलाई ब्लक गर्न सक्ने र यसले मानिसलाई संक्रमणबाट बच्न सहयोग गर्ने उनले बताएका छन् । 

तर, संक्रमण भइसकेपछि यसले कस्तो प्रभाव पार्छ भन्ने अहिलेसम्म खुलेको छैन ।

यस्तो भएको खण्डमा पनि यो औषधी खाँदा सामाजिक दूरीको आवश्यकता कम हुँदै जानेमा उनीहरुले विश्वास लिएका छन् ।

तर, इबोलाका लागि बनेको यही औषधीको चीनमा गरिएको परीक्षणमा चाहिँ राम्रो नतिजा आएको थिएन ।