रामेछापमा विदेशबाट आएका सबैको कोरोनाभाइरस संक्रमण परीक्षण सकिएको छ । अनि यो परीक्षणमा सबैको रिपोर्ट नेगेटिभ आएको छ ।
त्यहाँ अहिलेसम्म १ सय ८६ जनाको ¥यापिड टेस्ट गरिएको बताइएको छ । रामेछापको मन्थली नगरपालिकामा २४ जना र रामेछाप नगरपालिकामा २६ जनाको आरडीटी विधिबाट परीक्षण गरिएको थियो । यसैगरी गोकुलगंगा गाउँपालिकामा ४१ जना, खाँडादेवी गाउँपालिकामा ४०, सुनापति गाउँपालिकामा २१, दोरम्बा गाउँपालिकामा १५, उमाकुण्ड गाउँपालिकामा ११, लिखुतामाकोसी गाउँपालिकामा ६ र जिल्ला अस्पतालमा २ जनाको आरडीटी प्रविधिबाट परीक्षण गरिएको थियो ।
यीमध्ये ४ जनाको स्वाब नै परीक्षण गर्न काठमाडौं ल्याइएको थियो । पिसिआर टेस्ट गर्दा पनि उनीहरुको रिपोर्ट नेगेटिभ आएको छ ।
तर, यीमध्ये एक जनाको ज्वरो बढी हुँदा मृत्यु भएको छ ।
अहिले रामेछापमा ३० जना होम क्वारेन्टाइनमा छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
