भारतमा प्रवासी मजदूरका लागि रेल सेवा विभिन्न राज्यले सुरु गरेका छन् । तर, यसअघि यो रेलमा जान चाहनेले पैसा तिर्नु पर्ने भएपछि सरकारको व्यापक विरोध भएको थियो ।
अब भारतको सत्ताधारी बिजेपीले स्पष्टिकरण दिएको छ । उसका अनुसार अब त्यहाँ रेलमा यात्रा गर्ने मजदूरहरुका लागि रेल यात्राको पैसा लाग्ने छैन ।
समाचार एजेन्सी पिटिआईका अनुसार भारतीय जनता पार्टीले रेलमा यात्रा गर्ने मजदूरका लागि ८५ प्रतिशत रकम रेलवेले नै छुट दिएको र १५ प्रतिशत रकम सम्बन्धित राज्यले तिने जनाएको छ ।
यसअघि भारतीय कंग्रेसकी अध्यक्ष सोनिया गान्धीलगायतले सरकारले विदेशबाट अरु यात्रुहरुलाई विमान चार्टर गरेर ल्याउन सक्ने तर आफ्नै देशभित्र मजदूरहरुलाई रेलको पैसा लिने भन्दै आलोचना गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।