मेक्सिकोको सरकारले कोरोनाभाइरसविरुद्ध लड्नका लागि नयाँ उपाय अवलम्बन गरेको छ । मेक्सिकोमा एक नामुद लागुऔषध कारोबारीको घर लिलामीमा राखेर मेक्सिकोले कोरोनाविरुद्ध लड्न कोष बनाउने भएको हो । 

यो घर अमादो कार्रिलो फुएन्टेसको हो । अमादो मेक्सिकोमा ‘लर्ड अफ स्काइज’ नामबाट निकै चर्चित थिए । उनको सन् १९९७ मा मृत्यु भएको थियो ।

यसअघि उनको पहिलो घर २ मिलियन डलरमा बिक्री भएको थियो । उनको गाडी, गहनालगायत सबै लिलामीमा राख्दा यसअघि अर्को घरबाट साढे ४ मिलियन अमेरिकी डलर मेक्सिको सरकारले जम्मा गरेको थियो ।