विदेशमा फसेका भारतीयलाई त्यहाँको सरकारले देश फर्काउने योजना बनाएको छ । विभिन्न देशबाट विमान तथा समुद्री जहाजमा उनीहरुलाई फिर्ता लैजाने बताइएको छ । तर, यसरी भारत फर्किन चाहने भारतीयले आफ्नो यात्रामा लाग्ने शुल्क आफैं तिर्नुु पर्नेछ । 

भारतको विदेश मन्त्रालयले अब विदेशमा रहेका भारतीयहरुको सूची तयार पार्न थालेको छ ।

भारत फर्काउनु पहिले उनीहरुको स्वास्थ्य जाँच गर्ने र जसमा कोरोनाभाइरसका लक्षण देखिएका छैनन्, उनीहरुलाई मात्र भारत फिर्ता ल्याउने बताइएको छ ।

भारत फर्किइसकेपछि पनि उनीहरुले १४ दिन क्वारेन्टाइनमा रहनु पर्ने छ । 

त्यसपछि फेरि कोभिड १९ को परीक्षण भएपछि मात्र उनीहरुलाई घरमा जान दिइने बताइएको छ ।

भारतले यो प्रक्रिया मे २०२० बाट सुरु गर्दैछ ।