यसअघि कोरोनाभाइरस मुक्त भएका सनसिटीका युवालाई फेरि कोरोनाभाइरस देखिएको छ । 

योसँगै नेपालमा एकपटक ठिक भइसकेका व्यक्तिमा कोरोनाभाइरस फेरि देखिएको संख्या ३ पुगेको छ । स्वास्थ्य मन्त्रालयका अनुसार पेप्सिकोलामा रहेको सनसिटी अपार्टमेन्टमा ५२ वर्षका पुरुषमा फेरि कोरोनाभाइरस देखिएको हो ।

५ चैतमा बेलायतबाट आएका उनी र उनकी ८१ वर्षकी आमालाई यसअघि १ वैशाखमा कोरोनाभाइरस भएको पुष्टि भएको थियो । त्यसपछि उपचारमा बसेका उनीहरु ११ वैशाखमा अस्पतालबाट डिस्चार्ज भएका थिए । उनीहरु पाटन अस्पतालबाट कोरोनामुक्त भएपछि डिस्चार्ज भएका थिए ।

तर, एक सातापछि फेरि परीक्षण गर्दा उनीहरुमा कोरोनाभाइरस संक्रमण देखिएको हो ।