प्रहरीले नेत्रविक्रम चन्द नेतृत्वको नेपाल कम्युनिस्ट पार्टीका जिल्ला इन्चार्जसहित ३ जनालाई विष्फोटक पदार्थसहित पक्रेको छ । मंगलबार बिहानको राति उनीहरूलाई माई नगरपालिका–९, बोरुङबाट पक्राउ गरिएको प्रहरीले जनाएको छ ।

पक्राउ पर्नेमा पार्टीका इलाम जिल्ला इन्चार्ज ‘हिमाल’ भनिने पुष्पबहादुर कोइराला र कार्याकर्ताद्वय ‘जलन’ भनिने पासाङदण्डु शेर्पा तथा ‘सौरभ’ भनिने पासाङ तामाङ रहेको जिल्ला प्रहरी कार्यालयले जनाएको छ ।

उनीहरूलाई पक्राउ गर्न प्रहरीले ७ राउन्ड हवाई फायरसमेत गरेको थियो । कोइराला संखुवासभाको चैनपुर वडा ६ का हुन् भने शेर्पा ताप्लेजुङको मिक्वाखोला–८ र तामाङ उदयपुरको ताप्ली गाउँपालिका ६ का बासिन्दा हुन् ।