पाकिस्तानमा शनिबारबाट लकडाउन अन्त्य गरिँदैछ । अब त्यहाँका बजारहरु खुल्नेछन्, जनजीवन सामान्य हुने विश्वास गरिएको छ । 

अब अस्पतालहरुमा ओपिडी सेवा पनि फेरि सुचारु हुँदैछ । यसअघि कोरोना संक्रमण रोक्न ओपिडी बन्द गरिएको थियो । 

लकडाउन खुले पनि पाकिस्तानका स्कुल तथा कलेजहरु तत्काल खुल्ने छैनन् । त्यहाँ यो समयमा हुनु पर्ने सबै परीक्षाहरु रद्द गरिएका छन् ।

त्यसो त लकडाउन खुले पनि अहिले तत्काल त्यहाँ पसलहरु खोल्नका लागि निश्चित समय तोकिएको छ । पाकिस्तानी प्रधानमन्त्री इमरान खानले लकडाउन हटाउने भन्दै मानिसहरुलाई सामाजिक दूरी चाहिँ अनिवार्य फलो गर्न अनुरोध गरेका छन् ।