भारतको महाराष्ट्रको औरंगबादमा रेलले किल्चिँदा १४ प्रवासी मजदूरको मृत्यु भएको छ । 

दक्षिण मध्य रेलवेका प्रमुखले बिबिसीलाई बताएअनुसार अरु पाँच जना त्यहाँको अस्पतालमा भर्ना भएका छन् । उनीहरु पटरीमा सुतिरहेको हुनसक्ने त्यहाँका अधिकारीहरुले बताएका छन् । यी पाँच जनाको अवस्था पनि गम्भीर भएको बताइएको छ ।

यो शुक्रबार विहान स्थानीय समयअनुसार साढे पाँच बजेको घटना हो । 

त्यहाँ एक स्टिल उद्योगमा काम गर्ने यी मजदूरहरु त्यहाँबाट रेल पाइने र भुसावल भन्ने ठाउँमा जाने तयारीमा थिए ।